Suara Dari Jari ( Fuad Utar Maulana Ainul Yakin)

RAJA-RAJA KERAJAAN BANJAR Kerajaan Banjar yang berdiri pada 24 september 1526 sampai berakhirnya perang Banjar yang merupakan keruntuhan kerajaan Banjar memiliki 19 orang raja yang pernah berkuasa. Sultan pertama kerajaan Banjar adalah Sultan Suriansyah (1526 - 1545), beliau adalah raja pertama yang memeluk Agama Islam. Raja terakhir adalah Sultan Mohammad Seman (1862 - 1905), yang meninggal pada saat melakukan pertempuran dengan belanda di puruk cahu. Sultan Suriansyah sebagai Raja pertama mejadikan Kuin Utara sebagai pusat pemerintahan dan pusat perdagangan Kerajaan Banjar. Sedangkan Sultan Mohammad Seman berkeraton di daerah manawing - puruk cahu sebagai pusat pemerintahan pelarian Berikut adalah rincian Raja-raja Kerajaan Banjar sejak berdirinya kerajaan hingga runtuhnya kerajaan itu : 1526 - 1545 : Pangeran Samudra yang kemudian bergelar Sultan Suriansyah, Raja pertama yang memeluk Islam 1545 - 1570 : Sultan Rahmatullah 1570 - 1595 : Sultan Hidayatullah 1595 - 1620 : Sultan Mus

KANDI Bahasa umum yang banyak pengertian.. 1-Awan atawa lawan(Kandi apa--dengan apa atau dengan cara apa) 2--Bida lugat--Handi atawa Handih 3--Bakandi,Batamput,Sisi nang bagampir,Batangkir,Batapung *Bahanu artinya "Yang dikandung/Yang dibawa bersama" misalnya Kandi awak--yang dikandung badan Amunnya luput bujurakan lah buhannya,amun takurang tambahiakan. Barilaan

HAPUT maknanya seperti mencampuri urusan  -Ikam ninih nangapang garang..?Katuju bacari hual ah,balum talah urang bapandir hudah manyurung surah jua,katuju mahaput surah urang. -Ngalih saikung naya,mahaput kulihan urang haja pang gawian,bacari saurang kulir -Bajauh nah,mahaputi urang haja kamana tulak,hingkal tahu lah dihingkal,ngalih maulah gawian tapantuk pantuk ikam. -Tahu kawanan baduit balalu ai handak bahaput taka kawanan tutih,luku ai badapat sawapnya. -Kaina mun lalu intang rapun kariwaya nintu kawa lah ading bahaput lawan kaka,ading kutan nusitu ujah ada kuyang. Canangakan bahaput diragap gin kaka rila...Ujah Amat Undal..hehee Amunnya luput bujurakan lah.. Barilaan

Kisah gasan mandarasi kuyaan awan tulisan basa warisan Paninian Kisah Macan II Gatah rapun kayu hutan nang tatandak amun lawas di hija akan bisa mangaras saurangnya, mahirip kaya bungkah batu. Balang gin bahurup manjadi coklat kahirangan. Pamugaan manjadi damar magin lawas jadi kamayan. Amun urang bahari banyak kagunaannya, damini tih baguna ai jua tagal pabila parlu haja ah.! Badua badangsanak lalaki anak yatim piatu di Desa Batang Kulur, Kandangan.Umur baluman manjangkau ka tiga puluhan magun bujangan. Gawian mancari gatah kamayan tutih pang sambil batatanaman hagan pamakan saurang. “Esuk papagian kita kana kahutanan pulang ding ai, gilir nih mau haja sako mandua-talu hari hanyar kita bulikan bacara banyak pang tampahan urang, diikam siapakan dahulu sangu napa nang patut lah.” Ujar si abang mamadahi kanu nang ading. Imbah talah sarabanya pasiapan, badua badangsanak bamula ma atur langkah manuju kadalam hutanan. Handak mandapati damar nang harat jangan disambat gawian renga

Kisah Kita arini gasan mandarasi basa paninian nang hudah sasain langlam di nusantara..... Manggisit Mamparuput bunyi exhaust kapompong vespa super si Utoh Aban bamandak pabila tatireng kami nang rahat garunuman di wadah pa unjunan sapat ninto tih, mambari muar banar si juhara dali nang saikung nia. “Mambade ku carie di kelab MCA cakada tapampah, di Bukit Songo kada baumbayang, kali nya aur balapakan di sia haja pang……cilakoi banar!!” Hingkau si utoh Aban pina gagarah kataman, himung. “Ai, napa garang nang pina bahimat banar bacarie kami tih, tahutang kada, tapasihol lawan diikam gin kada, napa lagi” Sahut si Usop mahimati. “Umai kada kalakon tuh ah dangsanak badudua ai………ada kiraan nih nang matannya tih.” Ujar si utoh Aban sambil mamaraki kami. Nah nia cakada lain kiraan gawian nang kada mangaruan pang pulang, siapang nang kada pinandu lawan si Aban nia cakada kakurang kiraan, tagal bilang lucong tantan takacak bigi waloh haja ah…….jar hati. “Damia dangsanak badudua ai!!”