Utuh Langkar wan Diang
cardap alih bahasa banjar
kisah nang utuh langkar manganie angguta bumba mayalamatkan diang bungas handak mambunuh diri d titian
Utuh langkar : "ding kau napa d ulah tu?"
diang : "ulun handak mati bang au mara ulun bunuh diri."
utuh langkar : "mun kaitu cium pang ulun, ulun handak marasani bibir pian nang lambut".
diang gin mau ai handak mancium utuh langkar,di kucupnya muntung utuh langkar sabalum inya handak babunuh diri.
utuh langkar : "bisanya ai pian mangucup, tapi napa pian handak babunuh diri, muha bungas, awak bahinol harat.."
Wanita : "Ulun maras bang ai....kuitan ulun kada suah maasi parasaaan ulun,kada handak mandangar parmintaan ulun" jah diang
"kuitan ulun saparanakan wan ading baading ulun kada katuju ulun bapakaian ilah babini, sadangkan ulun ni handak banar mamakai baju babini"
utuh langkar : "Puih..! Puih..!! Puih..!!! cilakoiii! bancir rupanyaaa pain nihh....sial diaku takucup bancir (pondan) jin haaa handak batajun, mun tida aku haja manjuung pian, syaitan"...!!!
"Aku handak mamadahkan tadi ka ikam tadi ikam ancap banar mamandiri inya" jah Anggota bomba tadi 😂😂😂😂
Akibat disko wan karaoke
Akibat bibinian katuju tulak ka karoke wan disko 😱😱😱
Hakim: "bujurkah pian hadak bapisahan ni(cerai)??"
Suami : "Bujur aii yang arif !"
Hakim : "kada menyesal lah ?"
Suami : "kada aku kada sanggup lagi hudah, sipa nang tahan kaini mun bini aur balalah ka karoke wan disko haja.!!"
Hakim : "napa ? binimu bisa mabukkah?"
Suami : "kada jua yang arif !"
Hakim : "napa inya bacari lalakian kah?"
Suami : "kada!"
Hakim : "mun kaitu napa inya balalah kadisko dan karaoke ?"
Suami : "inya macari'e di aku yg arif ai, ulun supan wan kakawan..!"
PRAKKKK..!!! mambari muar pian nihh.
Wasiat wan paninggalan Abah
cardap alih bahasa banjar
di huspital julak udin rahad nazak bapadah ka bininya basaruan ka sabarataan anak mahadapi inya...makanya bakumpulan pang anak2 sidin di pinjung katil...( anak baampat jua)
"jaki ikam jaga lahh d kawasan rumah2 sewa d Damansara height" ranai jak marista
"kamal ikam ku amanahkan kondo wan apartmen d bukit antarabangsa ikam pang yg ku harap bagana d sia apik2 lah manjaganya"
" lot2 rumah banglo wan kadai2 d cheras kau jaga lah"
"nang panghabis aman kao jaga uma mu wan rumah2 di sg buluj lah" pasan sidin batatagisan pang saparanakan..kadangaran papandiran sidin leh misi..
diluar wad misi baucap manakuninka bini julak udin "bauntung angah bini wan anak2 d tinggalikan angah julak harta banyak mamasing nya" ujah misi
"ngintu kadanya harta tapi tanggungjawap sister ai" jah bini julak
"napa nag abahnya bagawi maantar surat habar" sambil tatangis😅😅😅
Manguler wan culas
"Ari sanayan ni saja manguler mun bagawi napa jua leh" jah hamjah ka sidang imat
"mun aku ari sanayan ni ramey, nyaman guring kada ada urang handak maaur, angah bini mu bagawi baisukan hudah tulak upis, kakanakan sakulahan" pandir sidang imat sasambil mahirup banyu galincui...
"heeh sidang aii, saja nyaman mun ilah sidang..kada tapi auran, tapi ingatakan lah mun mahantus wadai d hitung barapa buting, banyu kupi barapa cawan, jangan imbah nyaman nginum cussss mantipusss bulik kada babayar" jah acil imah
maka habang muha sidin🥵🥵🥵🥵
Asan Tulak Haji
Tumbaran jemaah haji Malaysia ngaran Asan kada kawa bangun turun dari kapal tarabang bila tiba d Jedah...
" aku minta ampun minta rela ya Allah jika ada dusa2 yang suah ulun lakukan sebelum ini, napa jua ujian yg Kau julungi aku ini aku mohon d ringankan" doa Asan d hadapan pramugari wan patugas tabung haji sambil batagisan
datang katuha petugas tabubg haji, bapadah
"angahnyaa istiqfar babanyak lah...baca bismillah imbah tu d picik butang nang habang d pinggir tuh, inshaAllah kawa ai bangunn"
gamat Asan micik butang habang hanyar kawa bangun...😂
maka kukureheng ha lagi Asan meniring jemaah lain...nang talipinggang tampat duduk kada pacul..kaipa handaknkawa bangun😁😁😁
Mamicik Harimau
"Sumalam tumbar sakampungan harimau mancanggul mujur kada marungkup ka urang kampung" jah hamdan mamandiran d warung julak adol
"aku kada takutan langsung ka harimau, aku suah banyak kali dah tahaga, paraki ku ku tikin2 banaraiii" surah sidang imat
"umai wani banar sidang ni sawat manikin ka harimau" jah hamdan
"heeh ni gan hanyar bulik manikin harimau maybank wan manukar sabun Harimau kuat" magalahak tatawa sidang imat
"dasar d waluhinyaa aku" jahn hamdan..
Angah Ijab Tulak ka Pakan
Angah ijab hanyar bajualan sawit dapat duit saikit, jadi inya handak babalanjaan d pakan, angah ijab ni urang nya paapikkan, jarang banar mamakai kasut hanyar baju hanya...sarajian mamakai salipar buruk haja wan baju talasan haja..
Papagian angah ijab hudah cagat mahadangi bas d pinggir jalan,handak ka pakan wan baju basaid salawar dengre rambut barimus...sampai haja bas inya gin naik duduk di pinggir dribal bus, cangang sabarataan urang maniringii angah ijab...
" napa sebarataan nih maitehi aku ilah kada suah niring urang handak kapakan kah" surah angah ijab mambihau
maka kukureheng ilah karang buruk urang dalam bas, kada ada nang bailon mahirani surah angah ijab..
sampai haja d pakan baranti haja bas...angah ijab gin turun
"kamana pulang salipar ku ni, tadi aku naik ku andak d muahara lawang bas ni, sapa pulang mancuntan nya"
😎😎😎angah ijab basasarekk... maka hanyar 2 kali mamakai saliparnyaa... tangguhi d mana angah ijab maandak saliparnyaa😎😎
MANUKAR TELEPON HANYAR
Julak amai hanyar manukar telepon hanyar, inya bapadah ka kakawanan di kadai kupi,
"nah ni hp hanyar nukar ni iphone, mun jah urang buah epal rungkang" jar julak amai
"barapa harganya lak" takun angah isam
"tiga ribu dua ratus ngahnyaii, duit samusim babandang nih ku likitakan ka hp nih" jah julak
"kana dustai banar ai kao tu kamahalan manukar talipon" jah angah isam
"napa kaitu risetnya gin ada nih" jah julak
"ca itehi hp mahal kada ada luang mambuati duit syiling nya"jah angah isam
bahh aiii tangguhi napa sambungan surah julak muha marung dah😂😂😂😂😂😂
Comments
Post a Comment