Kisah Kita Arini gasan mandarasi kuyaan basa Paninian.
Pucuk
Di satu patang, piinnn,pinnnnn, hangkui bunyi hon motor Honda sports 50cc si Usop bamandak di halaman rumah si utuh Iyui tanda ada kiraan.
“Yui, ca kasia satumat am!!” Hingkau si Usop nang magun batinggiran di atas motor.
“Hal napa garang pina badadas banar nia” sahut Iyui kanu sidin.
“Ada kaki banglak 21.rahatan rarancakannya nih..di mapa am? Matan kadada tampikannya, mangunyur am motor ma ampahi Kg. Taluk Pulai.
“Kita tabun di tagah hulu motor nih Yui ai,kada napa apa ah.baingat badahulu baluman takana.” Ujar si Usop takuriheng simpak sambil manunjul motor ka padang tagah babaya sampai ka kampung tutih. Mamarakani talah puaian sabatang rokok bajalan batis manuntie rumah puang nang andaknya di patangahan kabun nyiur. Usop balaluan manjantik ka lawang manada akan kaki hanyar sampai.
“Aii pina baduhara datangan , napa garang bahajat ah jua?” Takunan saikung kaki nang rahatan ma uruti kitab 52.
“Tantu pang .tida kada nang basabil manukui ka sia.” Ujar Usop manyingaie.
“Tagal di mapa am nah..lapan kaki hudah nih,amun di jadi akan sambilan cakada magan .rakai daun.” Ujar saikung lagi kaki 21 manahapi.
“Kalakun nia ha .sakira ruhui kiraan,kami badua nang malabuni jadi tukeh .kaya apa am..katuju lah.” Cadang si Usop kanu bubuhan nintu tih.
“Ayuhaja,tukeh nang ada nia gin bilang ma unggap baung am hudah, kana banara am tuh, mulae ha nah.” Sahut si tukeh 21 manyarahakan tugas salajurnya ka nang badua sahabat tutih..
“Tagal kita bajanji badahulu lah, sapa nang kalah kana bamandak, hutang-hutang kada asi am” Kuya si Iyui kanu bubuhan nintu tih, daun terup di sambut laluan mangucuk ai, bah ma ancap mamarakani sama haratnya awan si Ali Bakar pamaian silap/sulap mata. Usop basila di higa, taiko tukeh napa. Kurang labih sajam hudah waktu balalu, lamun kamanangan magun haja lagi bahurup ganti, baluman ada tanda-tanda sapa nang bakal manarima bala.
“Urut sikit………..halui…..halui……nah hikamam…….sabuting lagi………pucuk……pucuk….tutupi ha samunyaan daun…….Tukeh marandang lima daun nih……..pucuk banaran…..sat nang canggol……makan kuliling am Sop ai nah.” Hudah barapa kali round aur makan kuliling haja, manjadi tukuhnya daun si Iyui patang nih……………..ong sulah mari napa. Pamainan bamandak talalu lakas, batujuh kaki judi di rumah puang Kg.T.P kacundang di tangan dua sahabat. Napangada ah pada mangapap am pakit patang nih hasil banglak 21, kitab 52!
“Hanyaram pukul 5.30 patang, kada landung banar lagi arinya, imbah nia kamanaan am kita Yui?” Ujar Usop mahimati.
“Kita malipak di pakan Batu Songo, patang kalakun nia mun kana soto matan nyaman sako Sop ai.” Kada sing bunyian lagi si Usop tanda batarukuian haja. Honda sports 50cc mangunyur laju maninggalakan Kg.T.P Urang kampung magun haja banyak nang lalu lalang, gagaliwalak wan urusan papasingnya, barisan rapun nyiur mahijau, ba alun ditampur angin patang, aduh asa marawanan!
Babaya sampai di simpang jalan manuju ka Air Manis Estate, barubusan ampat ikung umat kaluaran tumatan di padang tagah mahalagi pajalanan si badua sahabat. Pabila dijanaki, cah cakada lain pada bubuhan nang imbah bahantup 21 di rumah puang tutih pang.
“Hoii……..bamandak hulu, tahu lah diikam badudua ai, nang kami barataan nia magun kada puas hati……..main tipu……bulikakan duit kami pulang, amun kada rigi basakitan!!” Hingkau si Jasman salah saikung bubuhan nang kakalahan nintu tih.
“Manipu napa kuang……..napa buktinya….ca padahakan am?” Sahut si Iyui kanu bubuhan tutih.
“Manipu atawa kada nintu kada soalnya, bulikakan duit kami amun handak salamat” kuya sikung lagi kaki judi nang sasain manantar mamaraki ka nau badua sahabat.
“Ai, umai bapakasaan ah………amun dintu ayuha satatayuhnya, cakada paidah bamacal duga pamburisit.” Sahut si Usop cakah.
Nia cakadanya gampak alai lagi Sop ai…….manyaruani bala ngarannya ….. Alamat cagar takalahi pulang saku patang ni nih……. ampat lawan dua, pariannya tasalah hitungan sasak pang hinak…..jar hati.si utuh Iyui. Badadas sidin turun tumatan di atas moto magun baharap mudahanai bubuhan cilaka nia kada nang bisanya main (bakuntau) manyarang ilah koboi tantan, tagal sarajin amun katurunan Jawa kalakun nia jarang ah nang kada bisa basilat, satro dua ikung Jawa wan dua Malayu sasain manatar kanu nang badua kawan sa hati..
“Napa lagi di hadang ……hantup kakawanan aii!!” Kuriak si Jawa nang bangaran Jasman kagarigitan balajuran ma antar panumbuk puga ka muha si utuh Iyui. Cakada magan dihija akan, laluan bakilas langkah tiga ka subalah dalam, pagalangan si Jasman di sambar bagagasutan, sadangnya ai siku kanan hinggap ka dada lawan, pangawak si Jawa tutih di bantingakan sidin …….. nah ambil habuan di kam bangsat ai….paninjak singgah di pipilingan nang hudah tapandal ka tanah, napangada ah taampar am magusur kasakitan. Satro nang saikung lagi magunai kakancawai kada ma antar sarangan, sumangat si utuh Iyui sasain kandal antaran bapusing langkah lima kuntau kada sia-sia, kibasan siku kanan mantakui manganae muha lawan, tabasan talapak tangan mandakup gugur ka pohon gulo, lawan basadinan mamai laluan tarabah lucut maarit sakit.
Si Usop magunai galabukan badaing dua lawan satu, angkara talalu banyak mancapil ka kiwa, kanan ayungannya batis si Usop talilit rumput bilaran, madabuk am sidin tarabah ka tanah, dua satro langsung kada mambagi piluang, mangudar si Usop bilang ma ancap mahantupi sidin………………..
“Adoohhhhhh!!” hingkau salah saikung lawan hidin bingkas malapas kacakan. Napang mun babau batang paha kana habuan lading balati si Usop, mumui am banyu habang manitik ka bumi Air Manis Estate patang tutih. Tatiring kawan nang hudah balukaan tutih, satro nang saikung lagi bamula kapipil balajuran ai si Usop bapuat. Suduk hidin pulang baik jua babau intang bahu haja ……caka taka parut cagar bamandahan !
“Kita tinggalakan Sam ai, lakasi!!” Kuriak si Usop kanu diaku. Mangalugur am motor Honda sports 50cc maninggalakan si Jawa Jasman sapakawanan nang magun taampar di situ tih. Cadangan kapingin mahantos soto di pakan Batu Songo patang nintu tih balajuran langlam kada basalira sahama-hama lagi.
“Tangguhan diikam barepotan ka Polis bubuhan ninto tih Sam?”. Takunan si Usop kanu diako gusar.
“Barepotan tih harus kada lah Sop ai, tagal amun mambalas dandam tantu banar am sako, parian barepotan jua napangada ah satatayuhnya pang kita, wani mampiulah wani jua mananggong kada kalakon tuh lah. Walau kaya apa gin tumatan patang nia kita kana baapik pang dangsanakai, kada napa apa ah, nang ku takutani tih kaluko bubuhan tuh asi pukol bacuntan, cagar tadalak am kita.” Ujah ku manahapi kanu si Usop.
“Inggih dasar banaran dangsanakai” jar sidin handap.
Imbah bajadian di Air Manis Estate ada jua hikmahnya, kami hudah kada pati pahayau lagi, malam aur bagana di rumahan haja papasingnya. Bakacak pandir wayah kami dudukan di bawah rapun hampalam tampat maunjun sapat (Tampulin iwak sapat ah, bubuhan ai, sapat anak dara nang lalu di jalan higa rampun hampalam tuti pang) hehehe.
Ganangan Maudak Jiwa
Barilaan Sabarataan
Pucuk
Di satu patang, piinnn,pinnnnn, hangkui bunyi hon motor Honda sports 50cc si Usop bamandak di halaman rumah si utuh Iyui tanda ada kiraan.
“Yui, ca kasia satumat am!!” Hingkau si Usop nang magun batinggiran di atas motor.
“Hal napa garang pina badadas banar nia” sahut Iyui kanu sidin.
“Ada kaki banglak 21.rahatan rarancakannya nih..di mapa am? Matan kadada tampikannya, mangunyur am motor ma ampahi Kg. Taluk Pulai.
“Kita tabun di tagah hulu motor nih Yui ai,kada napa apa ah.baingat badahulu baluman takana.” Ujar si Usop takuriheng simpak sambil manunjul motor ka padang tagah babaya sampai ka kampung tutih. Mamarakani talah puaian sabatang rokok bajalan batis manuntie rumah puang nang andaknya di patangahan kabun nyiur. Usop balaluan manjantik ka lawang manada akan kaki hanyar sampai.
“Aii pina baduhara datangan , napa garang bahajat ah jua?” Takunan saikung kaki nang rahatan ma uruti kitab 52.
“Tantu pang .tida kada nang basabil manukui ka sia.” Ujar Usop manyingaie.
“Tagal di mapa am nah..lapan kaki hudah nih,amun di jadi akan sambilan cakada magan .rakai daun.” Ujar saikung lagi kaki 21 manahapi.
“Kalakun nia ha .sakira ruhui kiraan,kami badua nang malabuni jadi tukeh .kaya apa am..katuju lah.” Cadang si Usop kanu bubuhan nintu tih.
“Ayuhaja,tukeh nang ada nia gin bilang ma unggap baung am hudah, kana banara am tuh, mulae ha nah.” Sahut si tukeh 21 manyarahakan tugas salajurnya ka nang badua sahabat tutih..
“Tagal kita bajanji badahulu lah, sapa nang kalah kana bamandak, hutang-hutang kada asi am” Kuya si Iyui kanu bubuhan nintu tih, daun terup di sambut laluan mangucuk ai, bah ma ancap mamarakani sama haratnya awan si Ali Bakar pamaian silap/sulap mata. Usop basila di higa, taiko tukeh napa. Kurang labih sajam hudah waktu balalu, lamun kamanangan magun haja lagi bahurup ganti, baluman ada tanda-tanda sapa nang bakal manarima bala.
“Urut sikit………..halui…..halui……nah hikamam…….sabuting lagi………pucuk……pucuk….tutupi ha samunyaan daun…….Tukeh marandang lima daun nih……..pucuk banaran…..sat nang canggol……makan kuliling am Sop ai nah.” Hudah barapa kali round aur makan kuliling haja, manjadi tukuhnya daun si Iyui patang nih……………..ong sulah mari napa. Pamainan bamandak talalu lakas, batujuh kaki judi di rumah puang Kg.T.P kacundang di tangan dua sahabat. Napangada ah pada mangapap am pakit patang nih hasil banglak 21, kitab 52!
“Hanyaram pukul 5.30 patang, kada landung banar lagi arinya, imbah nia kamanaan am kita Yui?” Ujar Usop mahimati.
“Kita malipak di pakan Batu Songo, patang kalakun nia mun kana soto matan nyaman sako Sop ai.” Kada sing bunyian lagi si Usop tanda batarukuian haja. Honda sports 50cc mangunyur laju maninggalakan Kg.T.P Urang kampung magun haja banyak nang lalu lalang, gagaliwalak wan urusan papasingnya, barisan rapun nyiur mahijau, ba alun ditampur angin patang, aduh asa marawanan!
Babaya sampai di simpang jalan manuju ka Air Manis Estate, barubusan ampat ikung umat kaluaran tumatan di padang tagah mahalagi pajalanan si badua sahabat. Pabila dijanaki, cah cakada lain pada bubuhan nang imbah bahantup 21 di rumah puang tutih pang.
“Hoii……..bamandak hulu, tahu lah diikam badudua ai, nang kami barataan nia magun kada puas hati……..main tipu……bulikakan duit kami pulang, amun kada rigi basakitan!!” Hingkau si Jasman salah saikung bubuhan nang kakalahan nintu tih.
“Manipu napa kuang……..napa buktinya….ca padahakan am?” Sahut si Iyui kanu bubuhan tutih.
“Manipu atawa kada nintu kada soalnya, bulikakan duit kami amun handak salamat” kuya sikung lagi kaki judi nang sasain manantar mamaraki ka nau badua sahabat.
“Ai, umai bapakasaan ah………amun dintu ayuha satatayuhnya, cakada paidah bamacal duga pamburisit.” Sahut si Usop cakah.
Nia cakadanya gampak alai lagi Sop ai…….manyaruani bala ngarannya ….. Alamat cagar takalahi pulang saku patang ni nih……. ampat lawan dua, pariannya tasalah hitungan sasak pang hinak…..jar hati.si utuh Iyui. Badadas sidin turun tumatan di atas moto magun baharap mudahanai bubuhan cilaka nia kada nang bisanya main (bakuntau) manyarang ilah koboi tantan, tagal sarajin amun katurunan Jawa kalakun nia jarang ah nang kada bisa basilat, satro dua ikung Jawa wan dua Malayu sasain manatar kanu nang badua kawan sa hati..
“Napa lagi di hadang ……hantup kakawanan aii!!” Kuriak si Jawa nang bangaran Jasman kagarigitan balajuran ma antar panumbuk puga ka muha si utuh Iyui. Cakada magan dihija akan, laluan bakilas langkah tiga ka subalah dalam, pagalangan si Jasman di sambar bagagasutan, sadangnya ai siku kanan hinggap ka dada lawan, pangawak si Jawa tutih di bantingakan sidin …….. nah ambil habuan di kam bangsat ai….paninjak singgah di pipilingan nang hudah tapandal ka tanah, napangada ah taampar am magusur kasakitan. Satro nang saikung lagi magunai kakancawai kada ma antar sarangan, sumangat si utuh Iyui sasain kandal antaran bapusing langkah lima kuntau kada sia-sia, kibasan siku kanan mantakui manganae muha lawan, tabasan talapak tangan mandakup gugur ka pohon gulo, lawan basadinan mamai laluan tarabah lucut maarit sakit.
Si Usop magunai galabukan badaing dua lawan satu, angkara talalu banyak mancapil ka kiwa, kanan ayungannya batis si Usop talilit rumput bilaran, madabuk am sidin tarabah ka tanah, dua satro langsung kada mambagi piluang, mangudar si Usop bilang ma ancap mahantupi sidin………………..
“Adoohhhhhh!!” hingkau salah saikung lawan hidin bingkas malapas kacakan. Napang mun babau batang paha kana habuan lading balati si Usop, mumui am banyu habang manitik ka bumi Air Manis Estate patang tutih. Tatiring kawan nang hudah balukaan tutih, satro nang saikung lagi bamula kapipil balajuran ai si Usop bapuat. Suduk hidin pulang baik jua babau intang bahu haja ……caka taka parut cagar bamandahan !
“Kita tinggalakan Sam ai, lakasi!!” Kuriak si Usop kanu diaku. Mangalugur am motor Honda sports 50cc maninggalakan si Jawa Jasman sapakawanan nang magun taampar di situ tih. Cadangan kapingin mahantos soto di pakan Batu Songo patang nintu tih balajuran langlam kada basalira sahama-hama lagi.
“Tangguhan diikam barepotan ka Polis bubuhan ninto tih Sam?”. Takunan si Usop kanu diako gusar.
“Barepotan tih harus kada lah Sop ai, tagal amun mambalas dandam tantu banar am sako, parian barepotan jua napangada ah satatayuhnya pang kita, wani mampiulah wani jua mananggong kada kalakon tuh lah. Walau kaya apa gin tumatan patang nia kita kana baapik pang dangsanakai, kada napa apa ah, nang ku takutani tih kaluko bubuhan tuh asi pukol bacuntan, cagar tadalak am kita.” Ujah ku manahapi kanu si Usop.
“Inggih dasar banaran dangsanakai” jar sidin handap.
Imbah bajadian di Air Manis Estate ada jua hikmahnya, kami hudah kada pati pahayau lagi, malam aur bagana di rumahan haja papasingnya. Bakacak pandir wayah kami dudukan di bawah rapun hampalam tampat maunjun sapat (Tampulin iwak sapat ah, bubuhan ai, sapat anak dara nang lalu di jalan higa rampun hampalam tuti pang) hehehe.
Ganangan Maudak Jiwa
Barilaan Sabarataan
Comments
Post a Comment