Kisah kita arini Gasan mandarasi kuyaan basa Banjar
ASAD BISU
Asad ngaran sabujuran hidin Arshad,marga kana balawa wayah lagi halui bahari lansung hilang siwara, tagal alhamdulillah pandangaran ,mata hawas haja kaya manusia normal.Angkara hidin kada bisa ba ucap karap mangguna akan basa isyarat/utau jadi di galari urang asad bisu.
Mun di lihat tukoh pangawak malaran jua gagah nya hidin ni,saing bagawian ringan tangan,surungi ha gawian nangapa haja gin hidin kada suah manampik.Gawian ba bandang tih sudah nya,ada pulang kabun nyiur pusaka hidin di kg Tabuk Barihun.Lajang kayuhan biskar hidin mun lalu di Tabuk Barihun tu sarajin.Parang panjang panabasan kabun kada suah ba tinggalan walau bakumpang tiub biskar lawas ,ta sisip tantan di higa batang biskar hidin.Urang nya kada sombong tagal kada bisa ba ucap banarai amun basalisihan di tangah jalan jauh lagi hudaham hidin ma angkat tangan tanda hormat,muntung tih bahanu pina gagarunum ay tagal napa kah nang rahat di ucapakan hidin cakada mangarti sahama;hama.Pabila hidin hudah ta mulai bagawian di kabun mamaraki sanja pang hanyar bamandak.Damintu pang rutin kahidupan hidin,ba bandang,ba kabun ma udak ka urang kada suah ta dangar ai.Marga tu pang saku jadi hidin ni ,kakanakan, tuha ,anum hingga nya pinandu ka hidin sabarataan.
Mun di lihat tukoh pangawak malaran jua gagah nya hidin ni,saing bagawian ringan tangan,surungi ha gawian nangapa haja gin hidin kada suah manampik.Gawian ba bandang tih sudah nya,ada pulang kabun nyiur pusaka hidin di kg Tabuk Barihun.Lajang kayuhan biskar hidin mun lalu di Tabuk Barihun tu sarajin.Parang panjang panabasan kabun kada suah ba tinggalan walau bakumpang tiub biskar lawas ,ta sisip tantan di higa batang biskar hidin.Urang nya kada sombong tagal kada bisa ba ucap banarai amun basalisihan di tangah jalan jauh lagi hudaham hidin ma angkat tangan tanda hormat,muntung tih bahanu pina gagarunum ay tagal napa kah nang rahat di ucapakan hidin cakada mangarti sahama;hama.Pabila hidin hudah ta mulai bagawian di kabun mamaraki sanja pang hanyar bamandak.Damintu pang rutin kahidupan hidin,ba bandang,ba kabun ma udak ka urang kada suah ta dangar ai.Marga tu pang saku jadi hidin ni ,kakanakan, tuha ,anum hingga nya pinandu ka hidin sabarataan.
"Asalamualaikum wbt,sidang jumahat nang di hormati sabarataan,Upacara gotong royong mambarasihi tanah pakuburan kg .Tabuk Barihun,cadang di jalanakan Ahad anggaran ba mula jam 8 pagi harap warga barataan mambawa pakakas papasing nya,sarapan di sadia akan,harap maklum mana nang kada tahu harap panjang-panjangakan lah.Barilaan". ujar ucapan Nazir masigit an naim kg tabuk barihun mahabarakan ka anu qariah.
Kada ta tinggal jua Asad bisu mandapat habar tumatan utoh layau lawan basa isyarat /utau kutika hidin mangayuh biskar ma ampahi ka kabun isuk pagi nya tuti. "Augghhh akooo ummpahhtt issoyok lauhh"jar sahut asad bisu sambil tangan ba u'utauan.tanda hidin katuju jua saku.
Kabujuran tanah wakaf kg tabuk barihun ta sambat jauh jua malaran andak nya di pinjung kg tabuk barihun baroh.wayahitu kadada kabun sawit situ sini bilang nyiur pang.jauh jua malaran pada rumah urang ,rapun kayu ara,rapun birah bilang saparagap ganal batang nya.Hingkat di sambat hutan rapukan.Parian nya ari manangah malam cakada kaparluan lalu di situ alamat mamburinjing bulu awak,tanah di jajak asa ba ambul.......cah pahanti am.....
Kaya nang hudah di janji akan Ahad jam 8 pagi kariwasan am parang panjang,parang ilai,parang kumpang manabasi rapukan tanah pakuburan tuti.Kada kakurang ah jua nang rahat bagawian sambil bahuhulut bah matan kancahungan tukoh nya,.ai padang banjar kalu......Bubuh an karamian bahuhulut ,mambari maras malihat Asad bisu ranai tantan hidin bacara kada kawa manyahuti pandiran urang pang di napa tu ay...Gawi jua lah hidin.....kada sawat lawas imbah tuti.....Bubuhan jadi gampar katakutanan pabila ta lihat saikung Tadung sala rahatan badiri malangak di balakang asad bisu ganal jua malaran bilang parak kaya pagalangan. "Sad Ular di balakang ikam!!" jar kuciak bubuhan. batuhuk manguriaki cakda hidin heran damati hidin bubuhan magun haja bahuhulutan.Panyudah nya arwah nini lamak nang manabas di hadapan asad bisu ma utau akan ka hidin ....."Sad ular di balakang ikam sing ganalan" jar nini lamak sambil ma araiakan isyarat pagalangan hidin ka anu Asad. "Huuuahh " Sahut asad tanda hudah paham. Asad bisu mangilekakan pangawak sambil ma ilai rawisan back hand parang panjang panabasan hidin bacara landap jua malaran sa bakas ilaian jua am panggal dua, ular tadung sala kacundang gilir nih tapat kana timpasan Asad
mana bahgian ular nang magun pina mangariwet habis pang di cancang hidin hampai lunyai. Atas arahan sidang gawian gotong royong arinih tapaksa di mandakakan gasan kasalamatan.
mana bahgian ular nang magun pina mangariwet habis pang di cancang hidin hampai lunyai. Atas arahan sidang gawian gotong royong arinih tapaksa di mandakakan gasan kasalamatan.
"Bujur kada di sangka rupa nya Pandikar jua pang Asad nia ti lahay" jar saikung bubuhan mamuji sambil mangabuk ka bahu hidin....." huuuahhh" jar Asad bisu sambil mambuka langkah kuntau mantangan di puji tuti
cilakoi bangat!
cilakoi bangat!
Barilaan sabarataan
Comments
Post a Comment